Connect with us

NEWS

Hukumar ‘Yan sanda ta tanadi Jami’ai 5000 da Makamai domin Gangamin APC a Garin Abuja

Published

on

Hukumar ‘Yan sanda ta Najeriya ta yi tanadin jami’ai 5000 domin gangamin jam’iyyar APC da aka shirya gudanarwa a gobe da yayi daidai da ranar 23 ga watan Yuni a babban birnin kasar nan na Abuja kamar yadda shafin jaridar PM News ya bayyana.

Kakakin hukumar ‘yan sanda na kasa DCP Jimoh Moshood, shine ya bayar da wannan sanarwa a ranar Juma’ar da ta gabata inda ya bayyana cewa, Sufeto Janar na ‘yan sanda Mista Ibrahim K. Idris, shine ya bayar da umarnin aiwatar da wannan shiri domin tabbatar da matsanancin tsaro yayin gudanar da gangamin na jam’iyyar APC a garin Abuja.

Yace an sanya ‘yan sandan sama da kuma rundunar jami’an masu rike da makamai a ƙarƙashin kulawar Mataimakin Sufeto Janar na ‘Yan sanda, domin tabbatar da tsaro mai inganci ga mahalarta taron.

DCP Moshood yake cewa, an tanadi jiragen sama masu saukar ungulu guda biyu da kuma manyan motocin yaki guda shida masu dauke da makamai domin tabbatar da tsaro a taron.

NAIJ.com ta fahimci cewa, hukumar ‘yan sanda ta kuma tanadi jami’ai na wasu hukumomin tsaro na daban tare da gargadin su kan sanya kakakin hukumar su domin dafawa jami’an ‘yan sanda wajen tabbatar da tsaro yayin gudanar da taron.

Kakakin hukumar ya ci gaba da cewa, wakilan jami’iyyar masu takardu na shaidar tantancewa ke da dama ta shiga farfajiyar wannan taro yayin da ya gargadi duk wadanda ba su da hurumi a taron akan kada su kuskura su kusanci farfajiyar taron.

Kazalika kakakin ya nemi daukacin al’umma masu korafi ko wane hangen nesa dangane da harkar tsaro akan su kiraya wadannan lambobi; 08032003913, 08061581938 da 07057337653 domin shigar da rahoton su cikin gaggawa.

KARANTA KUMA  Zaben 2019: Jam'iyyar PDP ta zayyana sharudda 17 ga dukkan mai son tikitin takarar shugaban kasar ta

Continue Reading
Click to comment

Leave a Reply

Your email address will not be published. Required fields are marked *

Entertainment

Buhari ya fidda dala biliyan 1 don gudanar da wasu muhimman ayyuka 3 a kudu 2 a Arewa

Published

on

By

Shugaban kasa Muhammadu Buhari ya bada umarnin ware naira biliyan daya, kimanin naira biliyan dari huru da sittin da takwas kenan (N468bn) don aiwatar da wasu muhimman ayyukan cigaban kasa a Najeriya.

Kamfanin dillancin labaru, NAN, ta ruwaito ministan watsa labaru, Alhaji Lai Muhammed ne ya sanar da haka a ranar Lahadi, 2 ga watan Satumba a yayin wata hira da yayi da gidan talabijin na Najeriya, NTA, inda yace za’a fidda wadannan kudade ne daga asusun hadakan gwamnatin tarayya, jihohi da na kananan hukumomi, watau ‘Sovereign wealth fund’.

Muhammadu Buhari ya bada umarnin ware naira biliyan daya, kimanin naira biliyan dari huru da sittin da takwas kenan (N468bn) don aiwatar da wasu muhimman ayyukan cigaban kasa a Najeriya. Kamfanin dillancin labaru, NAN, ta ruwaito ministan watsa labaru, Alhaji Lai Muhammed ne ya sanar da haka a ranar Lahadi, 2 ga watan Satumba a yayin wata hira da yayi da gidan talabijin na Najeriya, NTA, inda yace za’a fidda wadannan kudade ne daga asusun hadakan gwamnatin tarayya, jihohi da na kananan hukumomi, watau ‘Sovereign wealth fund’.

Majiyar Nigeria daily times ta ruwaito ministan ya zayyana ayyukan gida biyar kamar haka;

Aikin titin Lagos zuwa Ibadan

Aikin gadar Neja ta biyu

Aikin babbar hanyar data hada yankin Inyamurai da na kudu maso kudu

Aikin layin dogo daga Abuja zuwa Kano Aikin wutar Mamabilla.

Minista Lai yace gwamnatin Najeriya ya mayar da hankali wajen samar da manyan ayyukan cigaba, kuma zata cigaba da tayar da duk wani aiki da gwamnatocin baya suka yi watsi dasu don ganin ta kammala su a cikin wa’adinta.

KARANTA KUMA  Gwamnatin Shugaba Buhari ta kware wajen yaudara - Atiku

“Muna ganin gwara mu cigaba da tsofaffin ayyuka tare da kammalasu gaba daya, kafin mu fara sabbin ayyuka, saboda haka ne a shekarar 2017 aka ware naira biliyan 14 107 akan ayyukan sufuri, biliyan 130 akan harkokin noma da samar da ruwan sha, da kuma naira biliyan 325 akan harkokin wuta, manyan ayyuka da gidaje.” Inji shi.

Lai yacigaba da fadin “Daga shekarar 2016 zuwa 2017, mun kashe naira triliyan 2.7 akan manyan ayyuka, ba’a taba samun irin haka ba a tarihin Najeriya gaba daya.”

Daga karshe ministan ya bayyana ayyukan titin Oyo zuwa Ogbomoso da kuma aikin kilomita 240 na titunan gwamnatin tarayya dake garin Fatakwal a matsayin ayyukan da gwamnati ke yi da kudaden da ta ciyo bashi daga bankin musulunci ta Duniya.

Continue Reading

NEWS

Gwamnatin Shugaba Buhari ta kware wajen yaudara – Atiku

Published

on

By

Tsohon mataimakin shugaban kasa kuma mai neman tikitin takarar shugaban kasa tare da shugaba Muhammadu Buhari, Alhaji Atiku Abubakar ya ce tattalin arzikin kasar nan bai taba tabarbarewa ba kamar a lokacin nan na mulkin shugaba Buhari.

Atiku ya bayyana hakan ne a lokacin da yake jawabin sa ga dubban magoya bayan jam’iyyar sa ta PDP a garin Enugu jiya lokacin da ya kai ziyarar sada zumunci.

Nigeria daily times  ta samu cewa gwamnatin shugaba Buhari ba abunda ta iya sai yaudawa domin kuwa a sabanin samar da ayyukan yi miliyan uku da tayi alkawari duk shekara, yanzu ayyukan yi miliyan uku ne ake rasawa duk shekarar.

A wani labarin kuma, Yanzu haka dai mun samu cewa harkokin siyasa na cigaba da daukar zafi a jihar Ribas dake a kudu maso kudancin kasar nan bayan da labarin bude wani sabon ofishin jam’iyyar adawa a jihar ta All Progressives Congress (APC) a zagaye gari.

Wannan dai na zuwa ne kwanaki kadan bayan wasu mafusatan matasan da ake kyautata zaton masu goyon bayan bangaren jam’iyyar da Sanata Magnus Ngei yake jagoranta sun farwa dayan bangaren.

KARANTA KUMA  Zaben 2019: Jam'iyyar PDP ta zayyana sharudda 17 ga dukkan mai son tikitin takarar shugaban kasar ta
Continue Reading

NEWS

Jami’an tsaro sun gano cewa wata sabuwar ‘Darika ta bayyana a Najeriya

Published

on

By

Mun samu labari cewa wasu Mabiya addinin Musulunci da ba a san da irin su ba sun shigo cikin Kasar nan inda su ke daukar Mabiya musamman a Arewacin kasar nan a halin yanzu.

Rundunar Sojin kasa na Najeriya ta sanar da Jami’an shige da fice na kasar nan watau NIS cewa akwai wata sabuwar Kungiyar addinin Musulunci wanda ake kira “Hakika” da ta shigo cikin Najeriya kuma ta ke daukar Mabiya a Arewa.

Shugaban Hafsun Sojojin Najeriya Janar Tukur Buratai Wata takarda ta zo hannun mu daga Maiyegun Diary inda wani Jami’in Sojan kasar nan mai suna Laftana TG Iortyom ya sanar da Jami’an shige-da-ficen na Najeriya wannan bayani a madadin babban Hafsun Sojin kasar a wata wasika.

Takardar da aka aika a boye ta tabbatar da cewa an samu bayyanar wadannan Bakin Mabiya addinin Musulunci a Yankin Ngwurore da ke cikin Kudancin Garin Yola da ke Jihar Adamawa da kuma Garin Toto da ke Jihar nan ta Nasarawa.

Laftana Iortyom ya bayyana cewa bayanai sun nuna cewa wannan Kungiya tana daukar Mabiya a fadin Jihohin nan inda ta ke kira ayi watsi da sallolin yini da kuma azumin da ake yi cikin Watan Ramadana da aka sani a addinin Musulunci.

Jami’in Sojan ya nemi Ma’aikatan shiga da fice na kasar su dauki matakin da ya dace game da wadannan Bayin Allah.

Yanzu dai za a sa wa wadannan mutane ido domin lura da aikin da su ke yi gudun kar a tada wata fitina a kasar. Dazu kun ji cewa Sheikh Ahmad Gumi wanda fitaccen Malamin addini ne a kasar nan a wata doguwar hira da yayi da Jaridar Punch ya bayyana cewa Shugaban kasa Buhari ya raba kan Jama’ar kasar.

KARANTA KUMA  Zaben 2019: Jam'iyyar PDP ta zayyana sharudda 17 ga dukkan mai son tikitin takarar shugaban kasar ta

Continue Reading

Trending